Christchurch புறநகர்ப் பகுதியான Riccarton இல் இன்று காலை இடம்பெற்ற ஒரு மரணம் குறித்து பொலிஸார் விசாரணைகளை மேற்கொண்டு வருகின்றனர்.
இந்நிலையில் உயிரிழந்தவர் கேன்டர்பரி பல்கலைக்கழக மாணவர் என பல்கலைக்கழகம் தெரிவித்துள்ளது.
மேலும் காவல்துறையின் உறுதிப்படுத்தலுக்காக பல்கலைக்கழகம் காத்திருக்கின்றது.
இன்று அதிகாலை 3.50 மணியளவில் Matipo தெருவில் இடம்பெற்ற குறித்த சம்பவத்திற்கு பொலிஸார் அழைக்கப்பட்டனர்.
பொலிசார் சம்பவ இடத்தை ஆய்வு செய்த போது வீதியின் ஒரு பகுதி சுற்றி வளைக்கப்பட்டது.
ஒரு அறிக்கையில், மாணவரின் மரணத்தால் பாதிக்கப்பட்டவர்களுக்கு ஆதரவு வழங்கப்பட்டுள்ளதாக பல்கலைக்கழகம் தெரிவித்துள்ளது.
உயிரிழந்தவரின் குடும்பத்தினருக்கும் நண்பர்களுக்கும் பல்கலைக்கழகம் தனது ஆழ்ந்த இரங்கலைத் தெரிவித்துள்ளது.
மரணத்திற்கு வழிவகுத்த காரணத்தை நிறுவ பொலிஸார் கடுமையாக உழைத்து வருகின்றனர் என்று பொலிஸார் ஒரு அறிக்கையில் தெரிவித்தனர்.
இந்நிலையில் சம்பவ இடத்திற்கு வந்த Middleton-Matipo சமூக சங்கத்தின் தலைவர் Peter Simmonds, அப்பகுதியில் சமீபகாலமாக குற்றச்செயல்கள் அதிகரித்து வருவதாகவும், மக்கள் அச்சத்துடன் வாழ்ந்து வருவதாகவும் கூறினார்.
