கடந்த வாரம் ஆக்லாந்தில் பொலிஸார் மேற்கொண்ட சோதனையில் வெடிமருந்துகள், பணம் மற்றும் போதைப்பொருட்கள் பறிமுதல் செய்யப்பட்டன.
துப்பறியும் இன்ஸ்பெக்டர் ஆரோன் ப்ரோக்டர் கூறுகையில், தெற்கு ஆக்லாந்தில் உள்ள Conifer Grove புறநகர்ப் பகுதியில் 22,000 டொலர் ரொக்கம், 9mm தோட்டாக்கள், கஞ்சா மற்றும் கும்பல் சாதனங்கள் ஆகியவற்றை அதிகாரிகள் கண்டுபிடித்தனர்.
மற்றுமொரு இடத்தில் சந்தேகத்திற்கிடமான போதைப்பொருள் தயாரிக்கும் உபகரணங்களை பொலிஸார் கண்டுபிடித்தனர் மற்றும் திருடப்பட்ட மோட்டார் சைக்கிளை மீட்டனர்.
2020 இல் திருடப்பட்டதாகப் புகாரளிக்கப்பட்ட மோட்டார் சைக்கிளை பொலிஸார் இந்த நடவடிக்கையின் போது கண்டுபிடித்தனர் என்று புரோக்டர் கூறினார்.
மோட்டார் பைக்கின் மதிப்பு 20,000 க்கு மேல் மதிப்புடையது பைக்கின் உரிமையாளர், அது மீட்கப்பட்டது குறித்து நாங்கள் அவரைத் தொடர்பு கொண்டபோது மிகவும் மகிழ்ச்சியடைந்தார் என அவர் தெரிவித்தார்.
34 வயதுடைய நபர் ஒருவர் சட்டவிரோதமாக வெடிமருந்துகளை வைத்திருந்தமை சட்டவிரோதமாக துப்பாக்கி வைத்திருந்தமை மற்றும் நேர்மையற்ற குற்றச்சாட்டுகள் உட்பட பல குற்றச்சாட்டுகளை எதிர்கொண்டுள்ளதாக பொலிஸார் தெரிவித்தனர்.
கும்பல் மற்றும் சட்டவிரோத நடவடிக்கைகளை ஒடுக்கும் காவல்துறை நடவடிக்கை "கோபால்ட்" இன் ஒரு பகுதியாக இந்த கைது இடம்பெற்றுள்ளமை குறிப்பிடத்தக்கது.
