இலங்கை
இலங்கையில் சீனிக்கான அதிகபட்ச சில்லறை விலையை நிர்ணயிக்கும் வர்த்தமானி அறிவித்தலை நுகர்வோர் விவகார அதிகாரசபை வெளியிட்டுள்ளது.
அதன்படி, பொதி செய்யப்படாத 1 கிலோ வெள்ளை சீனியின் அதிகபட்ச சில்லறை விலை 275 ரூபாவாகவும், பொதி செய்யப்பட்ட 1 கிலோ சீனிக்கு 295 ரூபாவாகவும் நிர்ணயம் செய்யப்பட்டுள்ளது.
மேலும், பொதி செய்யப்படாத 1 கிலோ சிவப்பு சீனியின் அதிகபட்ச சில்லறை விலை 330 ரூபாவாகும், பொதி செய்யப்பட்ட ஒரு கிலோ சிவப்பு சீனியின் அதிகபட்ச சில்லரை விலை 350 ரூபாவாகவும் நிர்ணயம் செய்யப்பட்டுள்ளது.
இந்த விலைகள் பட்டியல் நேற்றைய தினம் முதல் அமுலுக்கு வந்துள்ளமை குறிப்பிடத்தக்கது.
