கொவிட் கட்டுப்பாடுகளுக்கு எதிரான ஆர்ப்பாட்டக்காரர்கள் பாராளுமன்ற மைதானத்தை ஆக்கிரமித்த போது, காவல்துறை அதிகாரிகள் மீது என்ன பொருள் தெளிக்கப்பட்டது என்பதை சோதனைகளால் கண்டறிய முடியவில்லை என பொலிஸ் உயரதிகாரி ஒருவர் தெரிவித்தார்.
பெப்ரவரி 22 அன்று மோல்ஸ்வொர்த் தெருவில் பாராளுமன்ற எதிர்ப்பு நடவடிக்கையில் ஈடுபட்டிருந்த மூன்று அதிகாரிகள், அவர்கள் மீது திரவப் பொருள் வீசப்பட்டதையடுத்து சம்பவ இடத்திலேயே துணை மருத்துவர்களால் சிகிச்சை அளிக்கப்பட்டு பின்னர் மருத்துவமனையில் அனுமதிக்கப்பட்டனர்.
இது தொடர்பில் வெலிங்டன் மாவட்ட கமாண்டர் கோரி பார்னெல் கூறுகையில், இரண்டு ஆய்வகங்கள் அதிகாரிகள் அணிந்திருந்த குளோ-வெஸ்ட்களில் இருந்த குறித்த திரவ பொருட்களை ஆய்வு செய்தன.
எவ்வாறாயினும், அதிகாரிகளுக்கு எரியும் உணர்வை ஏற்படுத்திய எந்தவொரு இரசாயனப் பொருட்களுக்கும் சோதனைகள் நேர்மறையான முடிவுகளைக் காட்டவில்லை என்று அவர் ஒரு அறிக்கையில் தெரிவித்தார்.
மேலும் பொலிசார் மீது திரவ பொருள் வீசப்பட்ட நேரத்தில் மிளகு தெளிப்பு உட்பட பல திரவ பொருட்கள் தளத்தில் இருந்ததாக பார்னெல் கூறினார்.
இந்நிலையில் இந்த சம்பவம் மற்றும் போராட்டம் தொடர்பான பிற குற்றச் செயல்கள் குறித்து பொலிஸார் தொடர்ந்து விசாரணை நடத்தி வருகின்றனர் என அவர் மேலும் தெரிவித்தார்.
