விஜய் நடிப்பில் தற்போது 'கோட்' படம் உருவாகி கொண்டிருக்கிறது. வெங்கட் பிரபு இயக்கி வரும் இப்படத்தின் ஷுட்டிங் அண்மையில் கேரளாவில் நடந்து முடிந்தது. இதனையடுத்து விரைவிலே அடுத்த கட்ட படப்பிடிப்பை ஆரம்பிக்க தயாராகி வருகின்றனர் படக்குழுவினர். இந்நிலையில் 'கோட்' படம் குறித்து சர்ப்ரைஸ் தகவல் ஒன்று தற்போது வெளியாகியுள்ளது.

அதன்படி இப்படத்தில் கிரிக்கெட் விளையாட்டு முக்கிய பகுதியாக இடம்பெற போவதாக கூறப்படுகிறது. பொதுவாகவே வெங்கட் பிரபு படங்களுக்கும் கிரிக்கெட்டுக்கும் முக்கிய தொடர்பு இருக்கும் நிலையில் 'கோட்' படத்திலும் கிரிக்கெட் விளையாட்டு முக்கிய பங்காற்ற போவதாக தகவல்கள் வெளியாகியுள்ளன. அத்துடன் பிரபல கிரிக்கெட் வீரர் தோனியும் இப்படத்தில் கெஸ்ட் ரோலில் நடிக்க இருப்பதாக கூறப்படுகிறது.

இது மட்டும் உண்மையாக இருந்தால் ரசிகர்களுக்கு திரையில் மிகப்பெரிய சர்ப்ரைஸாக தோனி வரும் காட்சி இருக்கும் என்பதில் சந்தேகமே இல்லை. 'கோட்' படப்பிடிப்பு கிட்டத்தட்ட இறுதிக்கட்டத்தை எட்டியுள்ளது. ரஷ்யாவில் ஒரு 20 நாள் ஷுட்டிங் மட்டும் பாக்கி இருப்பதாக கூறப்படுகிறது. இதற்காக படக்குழுவினர் அடுத்த மாதம் ரஷ்யா செல்லவுள்ளது குறிப்பிடத்தக்கது.