பிக் பாஸ் நிகழ்ச்சி தற்போது 96 நாட்களை கடந்து இறுதிக்கட்டத்தை எட்டியுள்ளது. 18 போட்டியாளர்களுடன் துவங்கிய இந்நிகழ்ச்சி சுவாரஸ்யத்திற்கும் விறுவிறுப்பிற்கும் பஞ்சமில்லாமல் சென்று வருகின்றது. மற்ற சீசன்களை ஒப்பிடும் போது இந்த சீசனில் அதிகளவில் சண்டைகள் சர்ச்சைகள் இருந்தது. இதன் காரணமாகவே ரசிகர்கள் இந்நிகழ்ச்சியை ஆர்வமாக பார்த்து வந்தனர்.
இந்நிலையில் அடுத்த வாரம் பிக் பாஸ் சீசன் 7 இறுதிப்போட்டி நடைபெறவிருக்கும் நிலையில் கண்டிப்பாக இறுதிப்போட்டிக்கு தகுதி பெறுவார் என எதிர்பார்க்கப்பட்ட விசித்ரா எலிமினேட் ஆகியுள்ளார். இது பிக் பாஸ் ரசிகர்களுக்கு பேரதிர்ச்சியாக இருக்கின்றது.
இந்நிலையில் இதுபோல எதிர்பாராத விஷயம் ஏதேனும் நடக்கும், நாம் எப்போது வேண்டுமானாலும் வெளியேறக்கூடும் என கணித்த பூர்ணிமா புத்திசாலித்தனமாக பணப்பெட்டியை எடுத்துக்கொண்டு சந்தோஷமாக பிக் பாஸ் வீட்டை விட்டு வெளியேறினார். 16 லட்சம் பணப்பெட்டியை எடுத்துக்கொண்டு பூர்ணிமா வெளியேறியது சிறப்பான மூவ் என ரசிகர்கள் கூறி வருகின்றனர்.
இந்நிலையில் பிக் பாஸ் வீட்டில் இருக்கும் போதே பூர்ணிமா நடித்த படத்தை பற்றிய அறிவிப்பு ஒன்று வெளியானது. அன்னபூரணி படத்தில் சிறிய ரோலில் நடித்த பூர்ணிமா செவப்பி என்ற படத்தில் நாயகியாக நடிக்க கமிட்டாகியுள்ளார். இதன் அறிவிப்பு சில வாரங்களுக்கு முன்பு வெளியான நிலையில் தற்போது இப்படத்தின் டீசர் வெளியிடப்பட்டுள்ளது. இந்த டீசரை பிரபல நடிகர் சிம்பு தன் ட்விட்டர் பக்கத்தில் வெளியிட்டு படக்குழுவிற்கு தன் வாழ்த்துக்களை தெரிவித்துள்ளார்.
இதையடுத்து பூர்ணிமாவின் ஆதரவாளர்கள் சிம்பு செய்த உதவியை நினைத்து அவருக்கு நன்றியினை தெரிவித்து வருகின்றனர். மேலும் பல படங்களில் நடித்து பூர்ணிமா, பிக் பாஸ் கொடுத்த பிரபலத்தை நன்கு பயன்படுத்தவேண்டும் என ரசிகர்கள் அவருக்கு வாழ்த்துக்களை கூறி வருகின்றனர் என்பது குறிப்பிடத்தக்கது.
