பிக் பாஸ் 7 வீட்டில் தற்போது 14 போட்டியாளர்கள் இருக்கிறார்கள். முன்னதாக ஒயில்டு கார்டு மூலம் வந்த பாடகர் கானா பாலா நேற்று வெளியேற்றப்பட்டார்.
இந்நிலையில் இன்று வெளியாகியிருக்கும் முதல் ப்ரொமோ வீடியோவில் அதிர்ச்சி கொடுத்துள்ளார் பிக் பாஸ். ஏதாவது கெஸ் என பிக் பாஸ் கேட்க, நீங்களே சொல்லிடுங்க என்றார் சரவண விக்ரம். இதையடுத்து பிக் பாஸ் வீட்டில் பூகம்பம். 3 ஒயில்டு கார்டு போட்டியாளர்களால் ஆட்டம் காணப் போகும் ஹவுஸ்மேட்ஸ் என பிக் பாஸ் சொல்ல, எனக்கு இந்த கேம் புரியல என்றார் பூர்ணிமா.
இன்று பிக் பாஸ் வீட்டிற்கு 3 ஒயில்டு கார்டு போட்டியாளர்கள் வருகிறார்கள். வெற்றி பெற்றால் பிக் பாஸில் தொடரலாம். தோல்வி அடைந்தால் ஒயில்டு கார்டு போட்டியாளர்களுக்கு வழிவிட்டு வெளியேற வேண்டும் என்று விதிமுறையை தெரிவித்தார் பிக் பாஸ்.
இதையடுத்த அவர் துரத்த நினைப்பது அவர்களை இல்லை நம்மை என்றார் விஷ்ணு. எது எப்படியோ வெற்றி பெற்றே ஆக வேண்டிய நிர்பந்தத்தில் இருக்கிறார்கள் 14 போட்டியாளர்கள். 3 போட்டியாளர்கள் வெளியேறுவார்களா, 3 ஒயில்டு கார்டு போட்டியாளர்கள் உள்ளே வருவார்களா என பிக் பாஸ் சொல்ல ப்ரொமோ வீடியோ முடிந்துவிட்டது.
இது என்ன புது விளையாட்டா இருக்கு பிக் பாஸ்? ஒயில்டு கார்டு என்ட்ரிகளுடன் ஹவுஸ்மேட்ஸை மோதவிட்டு வேடிக்கை பார்க்கிறீர்களே. அந்த 3 ஒயில்டு கார்டு என்ட்ரிகளில் பிரதீப் ஆண்டனி, வினுஷா தேவி ஆகியோர் வருவார்களா?
நீங்க யாரை வேண்டுமானாலும் அழைத்து வாங்க பிக் பாஸ். எங்களுக்கு கவலை இல்லை. தலைவன் விக்ரம் கண்டிப்பாக டாஸ்க்கில் வெற்றி பெற்று உள்ளே இருப்பார். இல்லை இந்த ஸ்கெட்ச்சே தலைவனை தூக்கத் தானா?
தலைவனை தனியாக தூக்கினால் ஆதரவாளர்கள் கொந்தளித்துவிடுவார்கள் என கூடவே இருவரை சேர்த்து தூக்கப் போகிறீர்களா என பார்வையாளர்கள் கேள்வி எழுப்பியுள்ளனர்.
இந்த வாரம் ஒருவர் தான் வெளியேற்றப்படுவார் என நினைத்த நிலையில் இப்படி வெளியே இருந்து 3 பேரை அழைத்து வந்து பிக் பாஸ் வீட்டில் இருக்கும் 3 பேருக்கு ஆப்படிப்பார்கள் என யாரும் எதிர்பார்க்கவில்லை. இருந்தாலும் அந்த 3 பேர் வரட்டும், ஒரு கை பார்த்துவிடலாம். 50 நாட்கள் சும்மா ஒன்னும் தாக்குப்பிடிக்கவில்லை என ஒரு முடிவோடு இருக்கிறார்கள் ஹவுஸ்மேட்ஸ்.
