பிக் பாஸ் 6 வீட்டின் இன்றைய விருந்தாளியை தான் பார்வையாளர்கள் பெரிதும் எதிர்பார்த்திருந்தார்கள்.

பிக் பாஸ் 6 வீட்டிற்கு இந்த வாரம் முழுவதும் விருந்தாளிகள் வந்து கொண்டிருக்கிறார்கள்.

முதல் போட்டியாளராக வந்து முதல் ஆளாக கிளம்பிச் சென்ற ஜி.பி. முத்து நேற்று வந்தார். ஆனால் அவரை உடனே திருப்பி அனுப்பி வைக்க மனமில்லாமல் தங்க வைத்துவிட்டார் பிக் பாஸ். இந்நிலையில் தான் அந்த ப்ரொமோ வீடியோ வெளியாகியிருக்கிறது.

அசீமுக்கு டஃப் கொடுத்து, கன்டன்ட்டும் கொடுத்து வந்த தனலட்சுமி தான் இன்றைய விருந்தாளி. அவரை வாசல் வழியாக அழைத்து வராமல், வீட்டிற்குள் ஒழித்து வைத்து ஹவுஸ்மேட்ஸுக்கு இன்ப அதிர்ச்சி கொடுத்திருக்கிறார் பிக் பாஸ்.

டாஸ்கின் ஒரு பகுதியாக விக்ரமன் ஓடிப் போய் குண்டை கண்டுபிடிக்க அங்கிருந்து தனலட்சுமி வந்தார்.

அதை பார்த்து ஹவுஸ்மேட்ஸ் மகிழ்ச்சி ஆரவாரம் செய்தார்கள். அசீம் அண்ணாவை கட்டிப்பிடித்ததுடன் தன் பிக் பாஸ் டாட்டூவையும் காட்டினார் தனலட்சுமி.

தனலட்சுமி கையில் இருந்த குண்டை திறந்து பார்த்தபோது, அமுதவாணன் தன் தலைமுடியின் நிறத்தை மாற்றி தியாகம் செய்ய வேண்டும் என்று அதில் தெரிவிக்கப்பட்டிருந்தது.

இதையடுத்து தன் தலைமுடிக்கு டை அடித்து நிறத்தை மாற்றினார். முடியின் நிறம் மாறியதும் தான் ரஜினி என்கிற நினைப்பில் பன்ச் வசனம் எல்லாம் பேசத் துவங்கிவிட்டார் அமுதவாணன்.

​அமுதவாணனை பார்த்தால் கலர் கோழிக்குஞ்சு மாதிரி இருப்பதாக ஷிவின் கிண்டல் செய்தார். அத்துடன் ப்ரொமோ வீடியோ முடிந்துவிட்டது.

தனலட்சுமியை பார்த்ததில் ஹவுஸ்மேட்ஸுக்கு மட்டும் இல்லை பார்வையாளர்களுக்கும் சந்தோஷம் தான்.

ப்ரொமோ வீடியோவை பார்த்தவர்கள் கூறியிருப்பதாவது, தனலட்சமி வந்த உடனேயே அமுதவாணனை இப்படி ஆக்கி விட்டாரே. வாம்மா மின்னல். தனா வந்துட்டாய்யா வந்துட்டாய்யா. சம்பவம் இருக்கு. கிளம்பிச் செல்லும் வரை தீயாக வேலை பார்க்கப் போகிறார் தனா.

இப்போ தான் நிகழ்ச்சியை பார்க்க நன்றாக இருக்கிறது என தெரிவித்துள்ளனர். சிலரோ, இந்த மூஞ்சியை திரும்பவும் பார்க்கணுமா என கூறியிருக்கிறார்கள்.