பிக் பாஸ் 6 நிகழ்ச்சி துவங்கி இன்றுடன் 85 நாட்கள் ஆகிவிட்டது. இந்த சீசன் மொக்கையாக இருக்கிறது, டாஸ்குகள் எல்லாம் கொடூர மொக்கையாக உள்ளன என பார்வையாளர்கள் விமர்சித்தார்கள்.

இந்நிலையில் தான் தீயா வேலை செய்ய முடிவு செய்துவிட்டார் பிக் பாஸ். அது தொடர்பான ப்ரொமோ வீடியோ வெளியாகியிருக்கிறது.

இந்த வாரம் உங்களின் பாயிண்டர்ஸை மக்களுக்கு சொல்ல ஒரு வாய்ப்பு. சரியான பாயிண்டர்ஸை முன்வைக்கும் ஒரு நபருக்கு இந்த வார நாமினேஷனில் இருந்து விலக்கு அளிக்கப்படும் என்று பிக் பாஸ் தன் கம்பீர குரலில் அறிவிப்பதுடன் ப்ரொமோ வீடியோ வெளியாகியுள்ளது.

போட்டியாளர்கள் ஒவ்வொருவராக தனி அறைக்கு வந்து தங்களின் பாயிண்டர்ஸை சொல்கிறார்கள்.

மைனா

ரொம்ப கிரியேட்டவிட்டியாக நான் எல்லாம் கொடுத்திருக்கிறேன் என்று மைனா நந்தினி ஆரம்பிக்க அவரை தொடர்ந்து பேச விடாமல் கட் செய்தார் பிக் பாஸ். உங்க பெஸ்ட் பாயிண்டர்ஸ். என்ன செஞ்சீங்கனு கேட்க மைனாவுக்கு டக்குனு பதிலே வரவில்லை.

அசீம்

மைனா நந்தினியை அடுத்து வந்த அசீம் நான்லாம் பாயிண்டர்ஸ் சொல்வதில் பெரிய ஆளாக்கும் என்று தில்லாக ஆரம்பித்தார். இந்த வீட்டில் என்டர்டெயின்மென்ட் பண்ணியிருக்கேனு என அசீம் ஆரம்பிக்க, ஹவுஸ்மேட்ஸ் சொல்வது இருக்கட்டும் நீங்கள் சொல்லுங்கள் என்று படக்குனு சொல்லிட்டார் பிக் பாஸ். நானே பெரிய கோபக்காரன் இந்த பிக் பாஸ் நம்மை விட கோபக்காரரா இருப்பாரோ என்று அசீமே ஒரு நிமிஷம் வியந்துவிட்டார்.

கதிர்

அசீமை அடுத்து வந்தார் கதிர். எவ்வளவு கிளீனாக ஒரு விஷயத்தை பண்ண முடியும் என கதிர் பேசியதுமே எப்படினு கேட்டு முடித்துவிட்டார் பிக் பாஸ். அமுதுக்கெல்லாம் ரொம்ப நேரம் பேசவே வாய்ப்பளிக்காமல் மடக்கிவிட்டார் பிக் பாஸ்.

ரச்சிதா

என்டர்டெயின் பண்ணிட்டு வந்திட்டிருக்கிறேன் என ரச்சிதா மகாலட்சுமி ஆரம்பிக்க பொதுவா பேசாதீங்க குறிப்பாக என்ன செஞ்சீங்கனு பிக் பாஸ் கேட்க, அவருக்கு ஒரு நிமிஷம் தலையே சுத்திருச்சு. அத்துடன் ப்ரொமோ வீடியோவும் முடிந்துவிட்டது.

ப்ரொமோ வீடியோவை பார்த்தவர்கள் கூறியிருப்பதாவது, வாவ், வவ்வாவ், இது தான்யா ப்ரொமோ. பிக் பாஸ் தீயாக இருக்கிறார். ஹவுஸ்மேட்ஸ் வசமாக சிக்கினார்கள் என கூறி வருகின்றனர்.

என்ன தான் சொன்னாலும் யாரை காப்பாற்றுவது என்பதை டிவி சேனல் தான் முடிவு செய்கிறது. அப்புறம் ஏன் இந்த தேவையில்லாத டிராமா எல்லாம் பிக் பாஸ் எனவும் சிலர் தெரிவித்துள்ளனர்.