பிக் பாஸ் 6 இல் இந்த வாரம் என்ன டாஸ்க்கோ என்று எதிர்பார்த்த நிலையில் பிக் பாஸ் வீட்டை ஆரம்ப பள்ளியாக மாற்றியிருக்கிறார்கள்.
பிக் பாஸ் நிகழ்ச்சி என்று ஒன்று இருந்தால் அது இந்த டாஸ்க் இல்லாமல் இருக்காது என்பதை மீண்டும் நிரூபித்துவிட்டனர்.
பிக் பாஸ் வீடு பிபி பள்ளியாக மாறுவது ஒன்றும் புதிது இல்லை. இந்நிலையில் இது தொடர்பான ப்ரொமோ வீடியோ வெளியாகியிருக்கிறது.
இந்த பிக் பாஸ் வீடு பிபி ஆரம்ப பள்ளியாக மாறப் போகிறது என்று மைனா நந்தினி அறிவிப்பதுடன் ப்ரொமோ வீடியோ துவங்கியிருக்கிறது.
அசீம், விக்ரமன் ஆகியோரை வாத்தியாராக்கிவிட்டார்கள்.
மாணவர்கள் மழலை மொழியில் பேசி அனைத்து உதவிகளும் ஆசிரியர்களிடம் இருந்து பெற்றுக்கொள்ளலாம் என்று அறிவிக்கப்பட்டுள்ளது.
ஆசிரியர்கள் பாடங்கள் எடுத்து தேவையான அனைத்தையும் செய்து கொடுக்க வேண்டுமாம்.
அறம் பேசிய விக்ரமனை மியாவ் மியாவ் பூனைக்குட்டினு பாடம் எடுக்க வைத்துவிட்டார்கள்.
அந்த மனுஷன் பாட்டை முடிப்பதற்குள் மைனா நந்தினி ஆர்வக் கோளாறில் எழுந்து வந்து மியாவ் மியாவ் பூனை, மீசை வச்ச பூனைனு பாட விக்ரமன் சிரிக்கிறார்.
மாணவராக இருக்கும் கதிரவனின் கெட்டப் அல்டிமேட் ஆகும்.
ப்ரொமோ வீடியோவை பார்த்தவர்கள் கூறியிருப்பதாவது...
ஒவ்வொரு சீசனிலும் இந்த பள்ளி டாஸ்க் வைப்பதே வேலையாகிவிட்டது.
ஆனால் இது பள்ளிக்கூடம் மாதிரி தெரியவில்லை மனநல காப்பகம் போன்று இருக்கிறது.
மாணவர்களும் மனநலம் பாதிக்கப்பட்டவர்கள் போன்று தான் நடந்து கொள்கிறார்கள்.
இன்னும் என்ன கொடுமையை எல்லாம் பார்க்க வேண்டி இருக்குமோ என்கிறார்கள்.
கனா காணும் காலங்கள் 90ஸ் கிட்ஸுகளுக்கு பிடித்த சீரியல் ஆகும். அதை இப்படி ஒரு டாஸ்க்காக மாற்றி எங்கள் நினைவில் தீயை வச்சு பொசுக்கிட்டீங்களே பிக் பாஸ் என 90ஸ் கிட்ஸ் புலம்புகிறார்கள்.
பள்ளி டாஸ்க்கை வைத்து மைனா நந்தினியை வெளியேற்றுவது தான் பிக் பாஸின் திட்டம் போன்று தெரிகிறது என பார்வையாளர்கள் தெரிவித்துள்ளனர்.
மாணவியாக மைனா நடந்து கொள்வதை பார்க்க முடியவில்லை. அவரை பார்த்தால் மாணவி போன்றே இல்லை. உங்களுக்கு வேறு டாஸ்க்கே கிடைக்கவில்லையா?
இருப்பதிலேயே இது தான் செம போரான டாஸ்க் என பார்வையாளர்கள் நொந்து கொண்டிருக்கிறார்கள்.
