ஹாரி பாட்டர் பட நடிகர் ராபி கல்ட்ரானியின் திடீர் மரணம் ரசிகர்களை சோகத்தில் ஆழ்த்தியுள்ளது.
ஜேகே ரவுலிங் எழுதிய புகழ்பெற்ற நாவல் ஹாரி பாட்டார். 1997 ஆம் ஆண்டு முதல் 2007 ஆம் ஆண்டு வரை இந்த புத்தகம் 7 பாகங்களாக வெளிவந்துள்ளது.
குழந்தைகளை கவரும் வகையில் மாயாஜாலங்கள் நிறைந்த இந்த நாவலை தழுவி அதே பெயரில் ஹாரி பாட்டர் திரைப்படங்கள் 8 பாகங்களாக வெளியிடப்பட்டன.
இந்த படத்திற்ஞ உலகம் முழுவதும் ரசிகர்கள் உள்ளனர். ஒவ்வொரு பாகமும் கற்பனைக்கும் எட்டாத வகையில் படமாக்கப்பட்ட வசூல் வேட்டையாடியுள்ளது.
இந்நிலையில் ஹாரி பாட்டர் சீரிஸ் படங்களில் ரூபியஸ் ஹாக்ரிடாக நடித்து புகழ்பெற்ற ராபி கல்ட்ரனி உடல் நலக்குறைவால் காலமானார்.
ஸ்காட்லாந்தைச் சேர்ந்த ராபி கல்ட்ரானி கிராக்கர் என்ற டிவி தொடரின் மூலம் பிரபலமானார். இவர் தொடர்ந்து ஜேம்ஸ் பாண்ட் படங்களிலும் நடித்துள்ளார்.
ஹாரி பாட்டர் படங்களில் நீண்ட தலைமுடி மற்றும் தாடியுடன் வலம் வந்த அவருக்கு என தனி ரசிகர்க கூட்டமே உள்ளது. தற்போது 72 வயதான ராபி கல்ட்ரானி உடல் நலக்குறைவு காரணமாக மருத்துவமனையில் சிகிச்சை பெற்று வந்த நிலையில், சிகிச்சை பலனின்றி காலமானார்.
அவரது திடீர் மறைவு ரசிகர்கள் மத்தியில் பெரும் சோகத்தை ஏற்படுத்தியுள்ளது.
ஹாலிவுட் பிரபலங்கள் பலரும் ராபி கல்ட்ரானியின் மறைவுக்கு இரங்கல் தெரிவித்து அவரது நினைவலைகளை பகிர்ந்து வருகின்றனர். இதேபோல் உலகம் முழுவதும் உள்ள ரசிகர்களும் ராபியின் மறைவுக்கு கண்ணீருடன் இரங்கல் தெரிவித்து வருகின்றனர்.
