பிக் பாஸ் சீசன் 7 நிகழ்ச்சியின் ஐந்தாவது வார இறுதியில் இருக்கிறோம். முதல் வாரத்தில் அனன்யா ராவ், தானாக முன்வந்த பவா செல்லதுரையும் வெளியானார்கள். அதனால், இரண்டாவது வாரம் எலிமினேஷன் இல்லை. மூன்றாவது வார எலிமினேஷனாக விஜய் வர்மா சென்றார். நான்காவது வாரத்தில் டபுள் எவிக்ஷனில் யுகேந்திரன் மற்றும் வினுஷா தேவி வெளியேறினார்கள்.

இந்நிலையில் ஐந்தாவது வாரம் நிகழ்ச்சியில் இருந்து வெளியேறுவது யார் என்பது குறித்த வோட்டிங் தகவல் வெளியாகியுள்ளது. வைல்ட் கார்ட் போட்டியாளர்கள் அனைவரையும் நாமினேஷனில் கொண்டு வந்து அவர்களுள் ஒருவரை வெளியேற்ற வேண்டும் என திட்டம் தீட்டினார்கள் பிக் பாஸ் வீட்டார்கள். ஆனால் பிக் பாஸ் வீட்டார்களின் செயலால் வைல்ட் கார்ட் போட்டியாளர்கள் மக்களிடம் எக்கச்சக்க ஆதரவை பெற்றார்கள்.

முன்னதாக, வந்த முதல் நாளே பிக் பாஸ் வீட்டில் இருக்கும் போட்டியாளர்கள் செய்த விஷயங்களால் அர்ச்சனா அழுதார். அழுத அர்ச்சனாவுக்கு வீட்டில் ஆதரவு இருக்கிறதோ இல்லையோ, வெளியில் இருக்கும் மக்கள் ஏகாந்த ஆதரவை கொடுத்தார்கள். அந்த வகையில் நாமினேஷனில் இருக்கும் அனைத்து போட்டியாளர்களை விடவும் பல மடங்கு வாக்குகள் அதிகமாக பெற்று முன்னிலையில் இருக்கிறார் அர்ச்சனா.

பிக் பாஸ் வீட்டாரின் அடுத்த டார்கெட்டாக இருப்பது தினேஷ். அவரும் அதிக வாக்குகளை பெற்று அர்ச்சனாவிற்கு அடுத்த இடத்தில் இருக்கிறார். ஐந்து வைல்ட் போட்டியாளர்களை தவிர பிக் பாஸ் வீட்டில் இருக்கும் ஐஷு, அக்ஷயா, மணி, மாயா ஆகியோர் நாமினேஷனில் இருக்கிறார்கள்.

கடந்த இரண்டு வாரங்களாக மாயா மக்களின் ஆதரவை பெற்று, இந்த வாரம் சேஃப்பாகிவிட்டார். அந்த வகையில் இப்போது மிகவும் குறைவான வாக்குகளை பெற்று டேஞ்சர் சோனில் இருப்பது அண்ணா பாரதி, கானா பாலா மற்றும் ஐஷு. அவர்களுள் குறைத்த வாக்குகளை பெற்றிருப்பது ஐஷுதான். ஐஷுவின் டபுள் கேம் ஸ்ட்ராடெஜி பெரும்பாலான மக்களுக்கு பிடிக்கவில்லை. நிக்சனிடம் பேசி பேசி அவரின் விளையாட்டின் போக்கை மாற்றிய ஐஷுவை நிக்சன் ரசிகர்களுக்கும் பிடிக்கவில்லை.

அன்ன பாரதி மற்றும் கானா பாலாவை விட குறைவான வாக்குகளை ஐஷு பெற்றிருக்கிறார். அந்த வகையில் இந்த வார எலிமினேஷனாக ஐஷு பிக் பாஸ் வீட்டை விட்டு வெளியேறுவார் என எதிர்பார்க்கப்படுகிறது. ஒருவேளை ஐஷு வெளியேறினால் நிக்சனின் விளையாட்டு முதல் வாரத்தில் இருந்தது போல சூடு பிடிக்கும் எனவும் நிக்சனின் ரசிகர்கள் எதிர்பார்க்கிறார்கள்.

இன்றோடு வாக்கெடுப்பு நிறைவடையும் நிலையில் இதே அளவு குறைந்த வாக்குகளை பெற்றிருந்தால் கண்டிப்பாக ஐஷு தான் நிகழ்ச்சி விட்டு வெளியேறுவார். வார இறுதியில் யார் எலிமினேட் ஆகிறார் என பொறுத்திருந்து பார்க்கலாம்.