நியூசிலாந்தில் தற்போது அமுலில் இருக்கும் சில கொவிட் -19 கட்டுப்பாடுகளை தளர்த்துவது குறித்து அமைச்சரவை அமைச்சர்கள் இன்று பரிசீலிக்க உள்ளனர்.
கடந்த ஆண்டு செப்டம்பரில் பெரும்பாலான கொவிட் கட்டுப்பாடுகள் அகற்றப்பட்டன, ஆனால் வைரஸுக்கு நேர்மறை சோதனை செய்பவர்களுக்கு கட்டாய ஏழு நாள் தனிமைப்படுத்தல் இன்னும் அமுலில் உள்ளது.
சுகாதார அமைச்சர் ஆயிஷா வெரால் கடந்த வாரம் செய்தியாளர்களிடம் கூறுகையில், சமீபத்திய பொது சுகாதார ஆலோசனைகளையும், குளிர்காலத்தில் சுகாதார அமைப்பின் நிலையையும் அரசாங்கம் கவனத்தில் கொள்ளும் என்று கூறினார்.
Business New Zealand இன் தலைமை நிர்வாகி கிர்க் ஹோப், அமைச்சர்கள் சர்வதேச விதிமுறைகளையும் கவனத்தில் கொள்ள வேண்டும் எனவும், பல நாடுகள் தங்கள் தனிமைப்படுத்தல் விதிகளை நீக்கிவிட்டதையும் சுட்டிக்காட்டினார்.
யுனைடெட் கிங்டம் அதன் ஐந்து நாள் தனிமைப்படுத்தல் விதியை ஒரு வருடத்திற்கு முன்பே நீக்கிவிட்டது, அக்டோபர் மாதத்தில் ஆஸ்திரேலியாவும் அந்த கட்டுப்பாடுகளை நீக்கியது.
பிரான்ஸ், ஸ்பெயின், கிரீஸ் மற்றும் போர்ச்சுகலில் சுய-தனிமைப்படுத்தல் அறிவுறுத்தப்படுகிறது. ஆனால் கட்டாயமில்லை என அவர் குறிப்பிட்டார்.
இந்நிலையில் இது தொடர்பில் பிரதமர் கிறிஸ் ஹிப்கின்ஸ், கொவிட் கட்டுப்பாடுகளை அகற்றுவதில் உள்ள அனைத்து நுணுக்கங்களையும், அதனுடன் தொடர்புடைய ஆபத்துகளையும் நாங்கள் கருத்தில் கொள்ள வேண்டும். மேலும் கட்டுப்பாடுகளை அப்படியே வைத்திருப்பதன் நன்மைகளையும் நாம் பார்க்க வேண்டும் பிரதமர் கூறினார்.
ஒடாகோ பல்கலைக்கழக தொற்றுநோயியல் நிபுணர் மைக்கேல் பேக்கர் தனிமைப்படுத்தல் விதியை நீக்க வேண்டாம் என அமைச்சரவையை வலியுறுத்தியுள்ளார்.
