வெலிங்டனுக்கு வடக்கே மாநில நெடுஞ்சாலை 1 இல் ஒரு எரிபொருள் டேங்கர் மற்றும் மற்றொரு வாகனம் மோதுண்டு விபத்துக்குள்ளானதில் எரிபொருள் டேங்கரில் இருந்து சுமார் ஆயிரம் லிட்டர் பெட்ரோல் கசிந்தது.
எரிபொருள் வெடிக்கும் அபாயம் உள்ளதால், Pāutahanui மற்றும் Paekākāriki இடையே Transmission Gully இரு திசைகளிலும் மூடப்பட்டுள்ளது.
காலை 6 மணியளவில் நெடுஞ்சாலை மூடப்பட்டது, மேலும் மதியம் வரை அது மீண்டும் திறக்கப்படாது என்று வக்கா கோட்டாஹி கூறியது.
இந்த விபத்தை அடுத்து எட்டு தீயணைப்பு இயந்திரங்கள் சம்பவ இடத்திற்கு வருகை தந்தன.
தீயணைப்பு வீரர்கள் டேங்கரில் இருந்து கசியும் எரிபொருளை அகற்றியதாக, தீயணைப்பு மற்றும் அவசரநிலை கூறியது.
குழு மேலாளர் கரேத் ஹியூஸ் கூறுகையில், டேங்கரில் இருந்து இழந்த எரிபொருளின் அளவு இன்னும் அறியப்படவில்லை, ஆனால் சுற்றுச்சூழலில் அது கலப்பதை தடுக்க தீயணைப்புக் குழுவினர் கடுமையாக உழைத்தனர்.
மீதமுள்ள எரிபொருளை அகற்றுவதற்காக ஒரு எரிபொருள் டேங்கர் அந்த இடத்திற்கு கொண்டு வரப்பட்டது.
எரிபொருள் அகற்றப்படும் வரை எனவே சாலை மூடப்பட்டிருக்கும் என்று அவர் தெரிவித்தார்.
இதனிடையே சுற்றுச்சூழல் பாதுகாப்பு அதிகாரி சம்பவ இடத்திற்கு வருகை தந்தார்.
