Eskdale பகுதியில் ஏற்பட்ட வெள்ளத்தில் இரண்டு வயது குழந்தை நீரில் மூழ்கி உயிரிழந்துள்ளது.
கேப்ரியல் சூறாவளியில் கொல்லப்பட்டவர்களில் ஐவி என்ற சிறுமியும் ஒருவர்.
தேடுதல் மற்றும் மீட்புப் பிரிவினர் அவரது உடலைக் கண்டுபிடித்த பிறகு, அவர்களின் இளைய மகள் அடையாளம் காணப்பட்டு ஒரு இறுதி வீட்டிற்கு அழைத்துச் செல்லப்பட்டதாக அவரது பெற்றோர்கள் எல்லா மற்றும்கூறினார்.
ஒரு பேஸ்புக் பதிவில் குறித்த குழந்தையின் பெற்றோர் எல்லா மற்றும் ஜாக் காலின்ஸ் தங்களது குழந்தையின் மரணம் தவிர்க்க முடியாத விபத்து என்று கூறினார்.
எங்கள் வீடு, எங்கள் பகுதி மற்றும் எங்கள் உடமைகள் அனைத்தும் முற்றிலும் அழிந்துவிட்டன, எங்கள் வீட்டின் கூரையிலிருந்து சுமார் 10 செமீ தண்ணீர் இருந்தது மற்றும் மிக விரைவாக நீர் உயர்ந்தது".
திடீரென நீர் பெருக்கெடுத்ததால் எங்களால் உயரமான நிலத்திற்கு செல்ல முடியவில்லை, இது கிட்டத்தட்ட அனைவரையும் மூழ்கடித்து, ஐவியையும் எடுத்துக் கொண்டது என அந்த குழந்தையின் பெற்றோர் மிகுந்த மனவேதனையுடன் தெரிவித்தனர்.
இதனிடையே Napier இல் நபர் ஒருவர் வெள்ள நீரில் சிக்கி இறந்ததாக நம்பப்படுகிறது.
இன்று ஒரு அறிக்கையில், நேப்பியர் அருகே Waiohiki இல் நடந்த இந்த மரணம் குறித்து விசாரணை நடத்தி வருவதாக பொலிஸார் தெரிவித்தனர்.
முறையான அடையாளம் காணும் பணிகள் இன்னும் நடைபெறவில்லை என அந்த அறிக்கையில் கூறப்பட்டுள்ளது.
இந்நிலையில் கேப்ரியல் சூறாவளியால் இறந்தவர்களின் எண்ணிக்கை 7 ஆக அதிகரித்துள்ளது.
