பிரதமர் ஜெசிந்தா ஆர்டெர்ன் தனது பதவியை இராஜினாமா செய்ய இருப்பதாக இன்று அறிவித்தது நியூசிலாந்து அரசியலில் பரபரப்பை ஏற்படுத்தியுள்ளது.
இந்நிலையில் பிரதமர் ஜெசிந்தா ஆர்டெர்ன் கூறியிருப்பதாவது...
தனது குடும்பத்தினருடன் அதிக நேரத்தை செலவிட ஆவலுடன் இருப்பதாக அவர் தெரிவித்துள்ளார்.
அவரது உரையின் போது, அவர் தனது துணைவர் கிளார்க் கேஃபோர்ட் மற்றும் மகள் நெவ் ஆகியோருக்காக இருப்பதைத் தவிர வேறு திடமான திட்டங்கள் எதுவும் இல்லை என்று கூறினார்.
"எனக்கு எந்த திட்டமும் இல்லை. அடுத்த படிகள் எதுவும் இல்லை. எனக்குத் தெரிந்ததெல்லாம், நான் என்ன செய்தாலும், நியூசிலாந்தில் தொடர்ந்து பணியாற்றுவதற்கான வழிகளைக் கண்டுபிடிப்பேன், மேலும் எனது குடும்பத்துடன் மீண்டும் நேரத்தை செலவிட ஆவலுடன் காத்திருக்கிறேன்," என்று அவர் கூறினார்.
"நம் எல்லோரையும் விட அதிகமாக தியாகம் செய்தவர்கள் அவர்கள்தான்"
"அப்படியானால் நீவ், நீ இந்த வருடம் பள்ளியைத் தொடங்கும் போது அம்மா அங்கு இருக்க வேண்டும் என எதிர்பார்த்துக் கொண்டிருக்கிறேன். மேலும் கிளார்க்குடன், இறுதியாக திருமணம் செய்து கொள்வேன்" என்று அவர் புன்னகையுடன் கூறினார்.
பிரதமர் ஜசிந்தா ஆர்டெர்ன் தனது ராஜினாமாவை அறிவித்த பிறகு தனது துணைவர் கிளார்க் கேஃபோர்ட்டைத் தழுவியமை குறிப்பிடத்தக்கது.
