பீஸ்ட் படத்தை தொடர்ந்து நடிகர் விஜய் பிரபல தெலுங்கு இயக்குநர் வம்சி பைடிப்பள்ளி இயக்கும் படத்தில் நடித்து வருகிறார்.இப்படத்தில் விஜய் ஜோடியாக ரஷ்மிகா மந்தனா நடித்து வருகிறார்.
இப்படத்தின் முக்கிய கதாபாத்திரத்தில் சரத்குமார் நடித்து வருகிறார். இப்படத்தை தில் ராஜு தயாரிக்க தமன் இசையமைக்கிறார்.
இப்படத்தின் முதற்கட்ட ஹைதராபாத்தில் நிறைவடைந்ததை அடுத்து இரண்டாம் கட்ட படப்பிடிப்பு விரைவில் சென்னையில் தொடங்கவுள்ளது.
இந்நிலையில் தளபதி 66 இல் விஜய்க்கு அண்ணனாக நடிக்க ஷியாம் ஒப்பந்தம் செய்யப்பட்டுள்ளதாக தகவல் வெளியாகியுள்ளது.
இந்த கதாபாத்திரத்தில் நடிக்க படக்குழு முதலில் 80 களில் பிரபலமான நடிகர் மைக் மோகனை அணுகியதாகவும், ஆனால் அவர் நடிக்க மறுத்ததால் ஷியாம் தற்போது ஒப்பந்தம் செய்யப்பட்டுள்ளதாக கூறப்படுகிறது.
2000 ஆம் ஆண்டில் வெளியான விஜய்யின் குஷி திரைப்படத்தில் விஜய்க்கு நண்பராக நடித்தவர் நடிகர் ஷியாம். தற்போது 22 ஆண்டுகளுக்கு பின்னர் தளபதி 66 இல் விஜய்க்கு சகோதரனாக நடிக்க ஒப்பந்தம் ஆகியுள்ளார்.
விரைவில் இது குறித்த அறிவிப்பு வெளியாகும் என எதிர்பார்க்கப்படுகிறது.
இப்படத்தின் படப்பிடிப்புகளை விரைந்து முடித்து தீபாவளிக்கு படத்தை வெளியிட படக்குழு திட்டமிட்டுள்ளதாகத் தெரிவித்துள்ளது.
.jpeg)