இன்வெர்கார்கிலுக்கு தெற்கே உள்ள சதுப்பு நிலங்களில் ஏற்பட்ட தீயைக் கருத்தில் கொண்டு இந்த வார இறுதியில் சவுத்லேண்ட் வாத்து வேட்டைக்காரர்கள் கவனமாக இருக்குமாறு வலியுறுத்தப்பட்டுள்ளனர்.
வரவிருக்கும் வாத்து பிடிக்கும் பருவத்திற்கு முன்னதாக Awarua Bay மற்றும் Waituna Lagoon ஐ சுற்றி தங்கள் வேட்டையாடுதலை திட்டமிடுபவர்கள் கூடுதல் விழிப்புடன் இருக்க வேண்டும் என்று தீ மற்றும் அவசரநிலை தெரிவித்துள்ளது.
Awarua வில் ஏற்பட்ட இந்த தீ பரவல் கடந்த சனிக்கிழமை முதல் 1300 ஹெக்டேர்களுக்கு மேல் எரிந்துள்ளது.
மேலும் இந்த வார இறுதியில் ஆறு பணியாளர்கள் தீயை அணைக்கும் பணியில் ஈடுபட்டு வருகின்றனர்.
இந்நிலையில் சுற்றுவட்டாரப் பகுதி மூடப்பட்டுள்ளது.
தீ மற்றும் அவசரகால சம்பவக் கட்டுப்பாட்டாளர் மார்க் மாவின்னி, அவருவா விரிகுடா மற்றும் வைதுனா லகூனுக்கு அருகில் உள்ள அனைத்து வேட்டைக்காரர்களும் தீ அபாயங்கள் காரணமாக கவனமாக இருக்குமாறு வலியுறுத்தினார்.
Awarua-Waituna என்பது நியூசிலாந்தின் எஞ்சியிருக்கும் மிகப்பெரிய கடலோர ஈரநில அமைப்புகளில் ஒன்றாகும். மேலும் வாத்து வேட்டையாடுபவர்களின் பிரபலமான இடம் என்பதும் குறிப்பிடத்தக்கது.
