கிறிஸ்ட்சர்ச் பெண்ணை கொலை செய்ததாக குற்றம் சாட்டப்பட்ட 43 வயது நபர் இன்று பிற்பகல் நீதிமன்றத்தில் ஆஜரானார்.
நேற்றிரவு 10.40 மணியளவில் நியூ பிரைட்டனின் (New Brighton) புறநகரில் உள்ள Hawke தெருவில் தாக்குதல் நடத்தப்பட்டதாக காவல்துறைக்கு தகவல் வழங்கப்பட்டது.
சம்பவ இடத்தில் 40 வயதான பெண் ஒருவர் அவசர சேவைகள் மூலம் மருத்துவமனைக்கு கொண்டு செல்லும் வழியில் உயிரிழந்தார்.
இந்நிலையில் குறித்த சம்பவத்தில் கைது செய்யப்பட்ட நபர் கிறிஸ்ட்சர்ச் மாவட்ட நீதிமன்றத்தில் ஆஜர்படுத்தப்பட்டதை துப்பறியும் மூத்த சார்ஜென்ட் டாமன் வெல்ஸ் உறுதிப்படுத்தினார்.
இந்நிலையில் குறித்த நபரின் பெயரை வெளியிடாமல் இருப்பதற்கான தற்காலிக அனுமதியை நீதிமன்றம் வழங்கியுள்ளது.
மேலும் New Brighton இல் உள்ள ஒரு பல்பொருள் அங்காடிக்கு அருகில் உள்ள காட்சிப் பரிசோதனையை பொலிஸார் தொடர்கின்றனர் என்றார்.
இரவு முழுவதும் பொலிஸார் சம்பவ இடத்தில் இருப்பார்கள்.
இறந்த பெண்ணின் முறையான அடையாளம் காணும் செயல்முறை இன்னும் முடிக்கப்படவில்லை, எனவே அவரது பெயர் இன்னும் வெளியிடப்படவில்லை என்று வெல்ஸ் கூறினார்.
இதுபோன்ற இக்கட்டான நேரத்தில் பெண்ணின் குடும்பத்தின் தனியுரிமைக்கு மதிப்பளிக்க வேண்டும் என்று பொலிஸார் தெரிவித்துள்ளனர்.
