இலங்கை
எதிர்வரும் காலங்களில் இலங்கையில் சனத்தொகை கணிசமாகக் குறையலாம் என கொழும்பு பல்கலைக்கழகத்தின் சமூகக் கற்கைகள் பேராசிரியர் இந்திரலால் டி சில்வா தெரிவித்துள்ளார்.
இலங்கையில் பிறப்பு வீதம், 25 வீதம் குறைவடைந்துள்ளமை முக்கிய விடயங்களில் ஒன்று என பேராசிரியர் இந்திரலால் டி சில்வா குறிப்பிட்டுள்ளார். இது தொடர்பில் அவர் கூறுகையில்...
“நம் நாட்டில் ஆண்டு பிறப்புகளின் எண்ணிக்கை மிக வேகமாக குறைந்து வருகிறது. உதாரணமாக, 2013 ஆம் ஆண்டு நம் நாட்டில் பிறந்தவர்களின் எண்ணிக்கையை ஒப்பிடுகையில், 2022ஆம் ஆண்டு பிறந்தவர்களின் எண்ணிக்கை சுமார் 90,000 ஆக குறைந்துள்ளது.
2013 ஆம் ஆண்டு பிறந்தவர்களின் எண்ணிக்கை மற்றும் 2022 ஆம் ஆண்டு பிறந்தவர்களின் எண்ணிக்கையை நாம் ஒப்பிட்டுப் பார்த்தால் இது 25 சதவீதம் குறைவாகும். பதிவு செய்யப்பட்ட பிறப்புகளின் எண்ணிக்கை இறப்பு எண்ணிக்கையை நெருங்கி வருகிறது.
இளம் சமூகம் வெளிநாடுகளுக்கு இடம்பெயர்வது உட்பட பல காரணிகளால் எதிர்வரும் காலங்களில் இலங்கையின் சனத்தொகை குறையலாம்.
நம் நாட்டில் ஏராளமான இளைஞர்கள் வெளிநாடுகளுக்குச் செல்கிறார்கள். ஒருபுறம் பிறப்புகள் குறைந்து இறப்புகள் வேகமாக அதிகரித்து வருகின்றன. வெளிநாடு சென்றவர்கள் திரும்பி வருவதில்லை.
நமது மக்கள் தொகை எதிர்காலத்தில் குறையும் போக்கை காட்டுகிறது. இவ்வாறு அவர் தெரிவித்துள்ளார்.
