பிக் பாஸ் 7 வீட்டில் அவ்வப்போது சண்டை சச்சரவுகள் நடந்தாலும் அந்த அளவுக்கு சுவாரஸ்யமாக இல்லை என்பதே பார்வையாளர்களின் கருத்தாக இருந்தது. இதை பார்த்த பிக் பாஸ், வைல்ட் கார்ட் மூலம் 5 பேரை வரவழைத்துள்ளார்.
புது போட்டியாளர்கள் வந்ததில் இருந்தே கேப்டன் பூர்ணிமா பாவம் ஒரே டென்ஷனில் இருக்கிறார். அவர் என்ன சொன்னாலும் பதிலுக்கு ஏதாவது பேசுகிறார்கள் புது போட்டியாளர்கள்.
இன்று காலை வெளியான முதல் ப்ரொமோ வீடியோவில் தினேஷும், அர்ச்சனாவும் பூர்ணிமாவை கத்தவிட்டார்கள். இந்நிலையில் தற்போது வெளியாகியிருக்கும் இரண்டாவது ப்ரொமோ வீடியோவிலும் பூர்ணிமா கோபத்தில் கத்துகிறார். அதற்கு காரணம் புது வரவு தினேஷ். ஒரு முடிவோடு தான் வந்திருக்கிறார் போன்று. அதனால் வந்த உடன் வேலையை ஆரம்பித்துவிட்டார் தினேஷ்.
அர்ச்சனாவையும், தினேஷையும் ஸ்மால் பாஸ் வீட்டிற்கு அனுப்பி வைத்துவிட்டார் பூர்ணிமா. இந்நிலையில் இரு வீட்டிற்கும் இடையே இருக்கும் கம்பியில் துணி காய வைத்திருக்கிறார் கேப்டன். அதை பார்த்த தினேஷ், பூர்ணிமாவிடம் வம்பிழுத்திருக்கிறார்.
உங்க துணியை உங்க வீட்டில் காயப் போடுங்க. இங்க வந்து வாசலில் எதுக்கு காயப் போடுகிறீர்கள் என தினேஷ் கேட்க, மண்டையில ஏதாவது இருந்தா தானே என சொல்லி எஸ்கேப் ஆகப் பார்த்தார் பூர்ணிமா. என்னது மண்டையிலயா, யார் மண்டையில என தினேஷ் கேட்டதும் பூர்ணிமா கத்த ஆரம்பித்தார். அப்பாடா வந்த வேலை நல்லா நடக்குது என்பது போன்று தினேஷ் சிரித்தார்.
அதற்கு பூர்ணிமா, நீங்க பேசாதீங்க. அந்த இடத்தில் துணியை காயப்போடக் கூடாதுனு நீங்க சொல்லக் கூடாது. என் வீட்டுக்குள்ள தான் போடணும் என்கிற ஆட்டிடியூட் இருக்கக் கூடாது. நீங்க பிரச்சனை பண்ண வேண்டும்னு பண்ணினால் நானும் பிரச்சினை பண்ணுவேன் கூறுவதுடன் ப்ரொமோ வீடியோ முடிந்துவிட்டது.
ப்ரொமோ வீடியோவை பார்த்தவர்கள் கூறியிருப்பதாவது, இது என்ன வந்த உடனேயே வேலையை ஆரம்பிச்சுட்டாங்க. கேப்டன் பூர்ணிமாவை கதறவிடுறாங்களே. கடந்த வாரம் எடுத்த நல்ல பெயர் எல்லாம் இந்த வாரம் போயிடும் போலயே பூர்ணிமா. தினேஷின் ஆட்டிடியூட் பிடிச்சிருக்கு. அந்த துணியை எடுத்து வீசுங்க ப்ரோ. பூர்ணிமா என்ன செய்கிறார்னு பார்ப்போம். அப்படி செய்தால் கன்டன்ட் இன்னும் கிடைக்கும் என ஏற்கனவே வேலை பார்த்துக் கொண்டிருக்கும் தினேஷை பார்வையாளர்கள் தூண்டிவிடுகிறார்கள்.
